Ugonjwa hatari wa Corona waingia nchini

Posted on: March 18th, 2020

Mkurugenzi Mtendaji wa Halmashauri ya wilaya ya Buhigwe ndugu Anosta Lazaro Nyamoga akishirikiana na Mganga mkuu wa wilaya Dkt. Julius Nyasongo wanapenda kuwatangazia wananchi wote wa wilaya ya Buhigwe kujikinga na ugonjwa hatari wa CORONA ambao unaendelea kuua mamia kwa maelfu ya watu duniani.

"Tumuunge mkono Rais wetu mpendwa Dkt. John Pombe Magufuli na serikali ya awamu ya tano kwa kuchukua tahadhari zote ili kujikinga na maambukizi ya ugonjwa huu hatari" Alisema Nyamoga.

Kwa upande wake Mganga mkuu wa wilaya Dkt. Nyasongo alitoa elimu kuhusu ugonjwa huu kwa kueleza chimbuko lake, dalili, namna unavyoenea na jinsi ya kujikinga.

Corona ni jamii kubwa ya virusi vinavyosababisha maradhi kwa wanyama na binadamu. Kwabinadamu, jamii kadhaa za virusi vya Corona vinafahamika kusababisha maambukizikwenye njia ya hewa na mfumo wa upumuaji.  Kirusi cha Corona kilichogundulika hivi karibuni kinasababisha ugonjwa unaofahamika kama COVID-19.

COVID-19 ninini?

COVID-19 ni ugonjwa wa kuambukiza unaosababishwa na virusi vya Corona. Virusi hivyo vipya havikuwa vikifahamika hapo kabla na sayansi ya tiba. Na vilianzia nchiniChina mwezi Disemba mwaka 2019.

Dalili zaCorona ni zipi?

Dalili kuuza Corona ni pamoja na; 

1. Homa kali, 

2. Uchovu na 

3. Kikohozi kikavu

4. Kupumua kwa shida

5. Maumivu makali ya kichwa na zinatokea taratibu. Dalili kubwa na inayoweza kutia hofu, ni mtu kukosa pumzi. 

Virusi vya Corona vinasambaa vipi?

Unaweza kupata Virusi vya Corona kutoka kwa watu walioambukizwa. Virusi vinaweza kusambaa kupitia maji maji kutoka kwenye pua au mdomo wa aliyeathirika. Iwapo mtu anagusa maji maji kama mafua, mate na makohozi ya mtu aliye na virusi na kisha kujigusa mdomo, macho na pua anaweza kupata virusi vya Corona.

Ninaweza kujikinga vipi na Virusi vya Corona?

• Nawa vizuri kila wakati mikono yako kwa maji ya vuguvugu, sabuni au dawa za kuua vijijidudu kwa angalau sekunde 20.
• Kaa umbali wa angalau hatua mbili (2) kutoka mtu anayepiga chafya au kukohoa.
• Epuka kushika macho, pua na mdomo kwa mikono isiyo safi kwa sababu mikono hushika sehemu nyingi na ni rahisi kubeba vimelea vya maradhi.
• Hakikisha wewe, na walio karibu yako wanazingatia ustaarabu wa kuzuia pua na mdomo wakati wa kukohoa au kupiga chafya.
• Baki nyumbani ikiwa hujisikii vizuri. Iwapo una mafua makali, homa, kikohozi na kushindwa kupumua nenda hospitali kwa sababu huko wataalamu watakupatia msaada muhimu
• Epuka kuwa sehemu yenye msongamano, kama vyombo vya usafiri, maduka na maeneo yenye  mgandamizo wa hewa.
• Nunua kifunika mdomo na pua na kukikavaa ukiwa kwenye mikusanyiko.
• Fuatilia taarifa za afya na matangazo yake kuhusu virusi vya Corona.

Alihitimisha kwa kutoa rai kwa wananchi wa wilaya ya Buhigwe na watanzania wote kwa ujumla kutopuuza tamko la serikali kuhusu ugonjwa huu.