HATUA ZA KUFUATA ILI KUMHAMISHA MWANAFUNZI KUTOKA SHULE MOJA KWENDA NYINGINE
Mzazi aandike barua ya kuomba uhamisho akitaja sababu ya uhamisho huo kisha atajaz fomu za kuomba uhamisho huo zinazopatikana shuleni.
Mzazi azipeleke kwanza kwenye shule anayotaka kumhamishiwa mwanafunzi huyo ili zipitishwe kuona kama kuna nafasi.
Baada ya hapo fomu zikipitishwa azirudishe kwa mkuu wa shule anakosoma mwanafunzi ili zipitishwe na kuzileta kwa Afisa Elimu Idara ya sekondari kwa lengo la kupitishwa pia.
uhamisho wa ndani ya wilaya:
Fomu hizo huishia kwa Afisa Elimu wa Sekondari na uhamisho
unakuwa umekamilika.
Uhamisho nje ya wilaya au mkoa:
Fomu hizo mzazi huzipeleka kwa RAS baada ya kuptishwa na Afisa Elimu
wa Sekondari.
RAS hukamilisha uhamisho huo kumpa barua ya kuruhusiwa
kuhama na kumwelekeza nakala nyingine apeleke kwa mkuu wa shule
anakotoka mwanafunzi ili afungashiwe taarifa zake kupeleka anakohamia.
