Mhe. Dkt. Philip Mpango ashinda Ubunge Jimbo la Buhigwe

Posted on: October 30th, 2020

Msimamizi wa Uchaguzi Jimbo la Buhigwe Ndg. Anosta Lazaro Nyamoga amemtangaza Mhe. Dkt. Philip Mpango kuwa ndiye Mbunge wa jimbo la Buhigwe kwa tiketi ya Chama cha Mapinduzi (CCM) kufuatia matokeo ya uchaguzi mkuu wa Rais, Wabunge na Madiwani uliofanyika Oktoba 28 mwaka huu. Akitangaza matokeo hayo Nyamoga amesema Mhe. Mpango amepata kura 43481akifuatiwa na Liberatus Lukurazo wa  CHADEMA aliyepata kura 10375 na ACT Wazalendo kura 1307

Kwa upande wa wananchi wameyapokea matokeo hayo kwa ndelemo na vifijo wakisema kwamba Mhe. Mpango ndiye mkombozi pekee wa Jimbo la Buhigwe na wanatarajia maendeleo makubwa kutoka kwake, pia wamemtakia kila la kheri katika kutekeleza shughuli zake za maendeleo ya Taifa letu la Tanzania.