DED MBILINYI AUKATAA U-BOSS

Posted on: April 15th, 2024

• Ataka kutumika kama kiongozi na si ‘boss’ kukidhi dhamira na imani ya Mhe. Rais kwake
• Asisistiza UZALENDO, Kupenda Kazi,Mshikamano ,Umoja Na Uwajibikaji Kwa Watumishi
• Awaonya vikali wazembe kazini na wasiowajibika na kuahidi kutowavumilia

• Apigilia msumali mahusiano ya CMT na KU (Kamati ya Usalama) na baraza la madiwani
• Awataka Watumishi kuacha kushirikiana na ‘wapigaji’ katika utekelezaji wa miradi ya maendeleo
• Kutambua na kuwapa motisha wanaokamilisha miradi kwa ubora, kwa wakati, na kwa gharama elekezi na kuwashughulikia ‘watakaovurunda’.
• Usimamizi wa Miradi kukamilika kwa wakati na kwa ubora kuwa sehemu ya Kipaumbele
• Usimamizi wa miradi jumuishi na shirikishi hadi ngazi ya jamii
• Kufanya ziara kata kwa kata kusikiliza na kutatua malalamiko, kero kujibu hoja na kusikiliza ushauri na maoni ya wananchi.
• Tabasamu la Watumishi lampa tumaini jipya la mabadiliko na ushirikiano.
• Aagiza  wakuu wa divisheni na vitengo kukaa vikao na watumishi kila baada ya miezi mitatu.
• Asisitiza hofu ya Mungu na kutaka watumishi kuwa baraka kwa wengine
• Aamsha ari ya kufanya kazi na mabadiliko chanya

Ndg. George Mbilinyi, Mkurugenzi Mtendaji wa Halmashauri ya Wilaya Buhigwe Leo Aprili 15, amefanya kikao kazi na watumishi Halmashauri ya Wilaya ya Buhigwe baada ya kuanza kazi Rasmi ambapo ametoa Dira ya mabadiliko ya Utendaji katika kipindi cha Uongozi wake.

Awali aliyekuwa kaimu Mkurugenzi Mtendaji Ndg. Alphonce Haule amewashukuru watumishi kwa namna walivyoshirikiana kwa kipindi cha Miezi nane aliyokuwa akikaimu na kuwataka kuonesha ushirikiano kwa Mkurugenzi mpya.

Akiongea kwa msisitizo Mkurugenzi Mtendaji George Mbilinyi amesisitiza Uzalendo katika kuwatumikia watumishi na kuonya watakaojifanya Miungu watu na wenye Viburi katika kutumikia wananchi. Awali wakati wa kuongea alimshuruku Mhe. Samia Suluhu Hassan, Rais wa JMT kwa kuendelea kumuamini kumsaidia kuwatumikia wananchi wa Buhigwe

Akishukuru na kumkaribisha kwa niaba ya Watumishi wengine Ndg. Masau Koligo ameonesha matumaini makubwa katika uongozi mpya na kumhakikishia ushirikiano mkubwa.