DC NGAYALINA AKABIDHI PIKIPIKI 5 KWA VIJANA WAJASIRIAMALI BUHIGWE

Posted on: May 16th, 2022

Mhe. Kanali Michael Masala Ngayalina, Mkuu wa wilaya ya Buhigwe amekabidhi leo jumla ya pikipiki 5 zenye dhamani ya Tsh 12,500,000 kwa vijana wajasiriamali wa kikundi cha Tuyajenge kinachofanya shughuli zake kwenye Kata ya Buhigwe Wilayani Buhigwe.

Kabla ya shughuli ya kuwakabidhi pikipiki hizo alipokea Taarifa kutoka kwa Afisa Maendeleo ya Jamii Wilayani humo, Ndg. Christopher Kajange ambaye alieleza kuwa Halmashauri hiyo ilitenga Jumla ya Tsh 64,858,000 kwa ajili ya Vikundi vya Vijana, wanawake na watu wenye ulemavu kwa mwaka wa Fedha 2021/2022 ambazo zote zimekwishakutolewa.

Katika taarifa hiyo ilieleza kuwa kwa mwaka wa Fedha 2021/2022 Jumla ya Kiasi cha Tsh. 111,850,000 zimekopeshwa kwenye Vikundi 18 vya Wanawake, Vijana na watu wenye ulemavu wilayani humo.

Baada ya kupokea taarifa hiyo DC Ngayalina alimpongeza Ndg. Essau Hosiana Ngoloka, Mkurugenzi Mtendaji wa Halmashauri na menejimenti yake kwa kusimamia kikamilifu utoaji wa mikopo hiyo na kuwafikia walengwa na kwa wakati:

• Awasisitiza wajasiriamali kurejesha mikopo kwa wakati ili wengine wanufaike na mikopo hiyo
• Awataka kutumia mikopo hiyo kwa lengo waliloombea.
• Ameongeza kuwa mikopo hiyo ni Daraja la maendeleo hivyo ikitumika vyema italeta mabadiliko makubwa ya kimaendeleo kwenye jamii.
• Awataka maafisa Maendeleo ya Jamii kufuatilia urejeshwaji wa mikopo ili mtaji wa mikopo wa Halmashauri ukue.
• Amewataka vijana hao kufanya kazi kwa bidii kupitia mafunzo ya ujasiriamali waliyopata ili kujiongezea kipato.
• Agushwa na kijana Chiza aliyeimba wimbo wa kupongeza Halmashauri na Mhe. Samia Suluhu Hassan kwa kazi nzuri ya kuwajali na kuwafikishia mikopo, Aahidi kumpa ‘support’ kwenye fani yake.
• Awataka kuendesha pikipiki hizo kwa  kufuata sheria za usalama barabarani.