DC NGAYALINA AGAWA VIFAA KWA WENYE ULEMAVU NA WAZEE – BUHIGWE

Posted on: March 15th, 2024

• Agawa Jumla ya Vifaa 182 (Baiskeli za Miguu mitatu 4, Magongo ya kwapani 50, Magongo ya kiwiko 50, na Fimbo za wazee 78.

• Vifaa vina thamani ya Zaidi ya Milioni 10
• Vimetolewa na wafadhili Help Age Tanzania
• Awashukuru wafadhili kwa namna wanavyoshughulikia changamoto za walemavu
• Awataka wanufaika kuzingatia utunzaji na kuwa na kuendelea kuwa moyo wa Shukrani
• Aipongeza Ofisi ya Mkurugenzi Mtendaji kwa Uratibu mzuri kufanikisha zoezi
• Awakumbusha wananchi namna Takwimu za SENSA zinavyoleta matokeo chanya ikiwa ni Pamoja na Idadi ya wenye Ulemavu ili kufikiwa kwa huduma
• Ndg. Clement (Afisa Ustawi) aitaka Jamii kuacha kuwaficha wenye Ulemavu ili wafikiwe.
• Muwakilishi Help Age Tanzania afurahia ushirikiano ndani ya Wilaya na kusisitiza Lengo ni huduma Bora kwa wenye Ulemavu na Wazee

Hayo yamejiri leo Ijumaa Tarehe 15.03.2024 kwenye Zahanati ya Buhigwe Kata ya Buhigwe wakati wa uzinduzi wa zoezi la ugawaji wa Vifaa saidizi kwa Wazee na wenye ulemavu ndani ya Halmashauri hiyo ambavyo vimetolewa na Shirikia linalojihusisha na kusaidia wazee wasiojiweza na wenye ulemavu ambapo Mhe. Michael Masala Ngayalina, Mkuu wa Wilaya ya Buhigwe amekuwa mgeni Rasmi wa zoezi hilo la Ugawaji wa Vifaa hivyo.

Hata hivyo Kaimu Mkurugenzi Mtendaji Ndg. Christopher Kajange ameendelea kusisitiza Jamii kuacha dhana potofu ya kuwaficha walemavu na kuitaka jamii kuweka wazi taarifa za wenye ulemavu mbali mbali ili serikali iwafikie

Ndg. Clement Ndagika ameongeza kwamba ili kuwafikia wenye Ulemavu na wazee Zaidi zoezi hilo litaendelea kwenye Kanda nne ndani ya Halmashauri ili kufikia wenye uhitaji Zaidi. Wilaya ya Buhigwe ina Jumla ya watu wenye ulemavu 2,691 (KE 1,476 na ME 1,195) na Wazee 17,597 kati ya Jumla ya watu 240,005 (ME 112M684 na KE 127,321) katika sensa ya mwaka 2022