Buhigwe Family Day 2021 yafana

Posted on: March 1st, 2021

Familia ya watumishi wa Halmashauri ya wilaya ya Buhigwe imefanya sherehe ya kuuaga mwaka 2020 na kuukaribisha mwaka 2021, sherehe hizo ziliongozwa na Mkurugenzi Mtendaji wa Halmashauri ya wilaya ya Buhigwe Ndg. Anosta Lazaro Nyamoga.

Katika sherehe hizo kulikuwa na michezo mbalimbali ikiwemo mpira wa miguu, kukimbia kwenye magunia, riadha, kukimbiza kuku, kuruka kamba na volleyball, katika mechi ya mpira wa miguu timu ya Simba Fans  ilimenyana na timu ya Yanga Fans  ambapo Yanga fans  iliibuka kwa ushindi wa mabao 5-3 dhidi ya Simba fans na kijinyakulia zawadi kemkem ikiwemo fedha taslimu sh. 30,000/=.

Kwa upande wa Volleyball timu ya watumishi kutoka makao makuu ya wilaya ilimenyana vikali na timu ya watumishi kutoka kanda ya Munanila ambapo timu ya Munanila iliibuka mshindi mbele ya timu ya makao makuu na kujipatia zawadi ya shilingi elfu thelathini (30,000/=).

Aidha sherehe zilitamatika jioni katika ukumbi wa CHAMPANDA ambapo watumishi walipata burudani kutoka kwa msanii wa muziki wa kizazi kipya Belle 9 na Live Band kisha ujumbe wa kuchapa kazi kutoka kwa mgeni Rasmi  mhe. Mkuu wa wilaya ya Buhigwe Col. Michael M. Ngayalina aliyewakilishwa na DAS.