Waziri Mpango achukua fomu ya Ubunge-Buhigwe

Posted on: August 22nd, 2020

Waziri wa Fedha na Mipango, Mheshimiwa Dkt. Philip Mpango amewasili Ofisi ya Msimamizi wa Uchaguzi jimbo la Buhigwe leo mchana kuchukua fomu ya kugombea Ubunge oktoba mwaka huu kwa tiketi ya Chama cha Mapinduzi (CCM).

Mara baada ya kuwasili ofisini hapo Mhe. Mpango alipata wasaa wa kusalimiana na kupiga picha ya pamoja na wafanyakazi wa Halmashauri ya Wilaya ya Buhigwe na baadhi ya viongozi wa chama waliojitokeza kumlaki. 

Kwa upande wake Msimamizi wa uchaguzi jimbo la Buhigwe Ndg. Anosta L. Nyamoga alimpongeza Mhe. Waziri kwa kujitokeza kugombea nafasi ya ubunge kisha alimkabidhi fomu na kumtakia kila la kheri.