MKUU WA MKOA WA KIGOMA ARIDHISHWA NA UKAMILISHAJI WA UJENZI VYUMBA VYA MADARASA-BUHIGWE

Posted on: December 30th, 2021

Mkuu wa mkoa wa Kigoma Mhe. CP. Thobias Andengenye AMEPONGEZA uongozi wa Wilaya ya Buhigwe ukiongozwa na Mhe. Michael Ngayalina, Mkuu wa wilaya hiyo akishirikiana na timu ya menejimenti chini ya Mkurugenzi Mtendaji Ndg. Essau Ngoloka, pamoja na kamati na uongozi wa shule zote za Sekondari kwa maendeleo mazuri ya ukamilishaji wa  jumla ya vyumba 53 vyenye thamani ya Tsh 1,060,000,000 fedha zilizotolewa na Serikali ya Jamhuri ya Muungano wa Tanzania chini ya Jemedari Samia Suluhu Hassan, Rais wa Jamhuri ya Muungano wa Tanzania kwa ajili ya Utekelezaji wa Mpango wa Maendeleo kwa Ustawi wa Taifa na mapambano dhidi ya UVIKO-19. Pongezi hizo alizotoa wakati wa kukagua ujenzi wa miradi hiyo ya madarasa leo Desemba 30, 2021

• Awataka kuendeleza juhudi kukamilisha ujenzi kwa wakati
• Apongeza juhudi za program ya benki za matofali zilizochangia mafanikio na kuwataka wakuu wa shule kushikilia mbinu hiyo
• Aitaja Buhigwe kama mfano bora katika mkoa
•  Aendelea kusisitiza ubora katika hatua hizi za ukamilishaji wa majengo
• Ashangazwa kwa matumizi mazuri ya fedha yaliyopelekea karibu kila shule kuwa na ziada ya fedha hadi milioni tatu.

"Mimi kwa niaba ya Timu ya mkoa niseme TUMERIDHISHWA na ukamilishaji wa ujenzi Buhigwe"