MKURUGENZI MTENDAJI WA HALMASHAURI YA WILAYA YA BUHIGWE ATEMBELEA VITUO VYA UBORESHAJI WA DAFTARI LA KUDUMU LA WAPIGA KURA.

Posted on: July 22nd, 2024

Mkurugenzi Mtendaji wa Halmashauri ya Wilaya ya Buhigwe Ndugu George Mbilinyi ametembelea vituo vya uboreshaji wa daftari la kudumu la wapiga kura kuangalia namna zoezi hilo linavyoendelea.

Ametembelea katika vituo mbalimbali ikiwemo kituo cha Zahanati ya Buhigwe,kituo cha kijiji cha Buhigwe,kituo cha Shule ya msingi Buhigwe,Kituo cha shule ya msingi Songambele na vingine vingi.

Aidha amewaasa Wanachi wa wilayani humo kuendelea kujitokeza kwa wingi katika zoezi la uboreshaji wa daftari la kudumu la wapiga kura.

Naye Juma Hamisi mkazi wa Buhigwe Center amesema kuwa anaishukuru Serikali kwa kuboresha vifaa vinavyotumika katika zoezi hilo maana imekuwa rahisi kwao kukamilisha kwa muda mchache na wao kuendelea na shughuli zingine za kiuchumi.

Naye Muendesha BVR(BVR operator) Rosemary Brighton amesema kuwa mpaka kufikia wakati huo hali ni nzuri na hakuna changamoto waliyokutana nayo na  Wananchi wameendelea kujitokeza kwa wingi.

Na kuongezea kwa kuwakaribisha Wananchi wenye sifa kujitokeza katika vituo vilivyo karibu nao na kuwatoa hofu kuwa zoezi hilo halichukui muda mrefu na huchukua muda wa dakika mbili mpaka tatu kukamilika.