MH MAKAMU WA RAIS AWAASA WANAWAKE KUJITOKEZA KUGOMBEA NAFASI MBALIMBALI.

Posted on: October 12th, 2024

Makamu wa Rais wa Jamhuri ya Muungano wa Tanzania Mhe. Dkt. Philip Mpango na Mwenza wake Mama Mbonimpaye Mpango wameshiriki zoezi la Uandikishaji kwenye Daftari la Wapiga kura kwaajili ya Uchaguzi wa Serikali za Mitaa katika Kitongoji cha Kihanga Kijiji cha Kasumo Wilaya ya Buhigwe Mkoani Kigoma leo tarehe 12 Oktoba 2024.

Akizungumza na wanakijiji wa Kasumo mara baada ya kujiandikisha, Makamu wa Rais amesema kuwa zoezi la kujiandikisha katika daftari la kupiga kura ni muhimu ili kuwawezesha Wananchi kushiriki katika Uchaguzi wa Serikali za Mitaa utakaofanyika Tarehe 27 mwezi Novemba 2024.

Aidha ameongezea kwa kutoa wito kwa wanawake kujitokeza katika kugombea nafasi mbalimbali za uongozi kwa kuwa wanazifahamu vema changamoto za jamii na pia wanao uwezo wa kuongoza vizuri.

#uchaguziwaserikalizamitaa2024