MAKAMU WA RAIS AZINDUA MNARA WA MAWASILIANO WA TTCL – KASUMO, BUHIGWE

Posted on: December 14th, 2021

Mhe. Dr. Philip Isdor Mpango, Makamu wa Rais wa Tanzania leo Desemba 15, 2021 amezindua Mnara wa mawasiliano wa Mtandao wa TTCL wenye kasi ya 4G eneo la Kasumo Kata ya Kajana wilayani Buhigwe Mkoani Kigoma.

Akizungumza baada ya uzinduzi huo amesema kwamba mnara huo utakuwa mkombozi wa mawasiliano katika eneo hilo na maeneo jirani na kuondoa adha za mawasiliano zilizokuwa hapo awali, Vile vile amewataka Vijana kuchangamkia Fursa ya kutumia mtandao huo wenye kasi kujiajiri na kuwekeza. Kadhalika amewataka wananchi kutumia mawasiliano hayo katika njia chanya na si kuvunja sharia kwa kutukana mitandaoni na kufanya uhalifu.

Mwisho aliendelea kumshukuru Mhe Samia Suluhu Hassan, Rais wa Jamhuri wa Tanzania kwa kuona umuhimu na kuagiza Mnara huo kujengwa kijijini hapo.

Mhe. Dk Mpango hakusita kutoa shukrani zake pia kwa Mhe. Kanali Michael Ngayalina, Mkuu wa Wilaya ya Buhigwe kwa kuwa Karibu kusimamia kuona mnara huo wa mawasiliano unakamilika kwa wakati.