KAMATI YA ULINZI NA USALAMA WA MWANAMKE NA MTOTO BUHIGWE WAJIDHATITI KUKABILIANA NA VITENDO VYA KIKATILI

Posted on: July 15th, 2021

Akizungumza Katika kikao chao cha Robo ya Nne ya mwaka kwa niaba ya Mwenyekiti wa kamati hiyo Bi. Marycelina Mbehoma  (Mkurugenzi mtendaji wa Halmashauri) Bw. Kajange amewataka wajumbe kusimamia yote yanayolenga kulinda ustawi wa mwanamke, mtoto na jamii kwa ujumla

Miongoni mwa yaliyowekewa mkazo ni Pamoja na:

• Watendaji wa Kata na vijiji Kusimamia kumbi za Video kuona kuwa Watoto hawashiriki kwenye kumbi hizo zinazoonesha maudhui hasa yanayolenga watu wazima.
• Msisitizo kwa walimu na wadau wengine kutokukaa kimya dhidi ya kitendo chochote cha ukatili wa Watoto.
• Suala la upatikanaji wa vifaa vya kukusanya sampuli za waadhirika wa vitendo hasa vya ubakaji waibuka. Mapendekezo yatolewa kuhakikisha upatikanaji wa vifaa hivyo ili kuwa na Ushahidi wa kutosha kwenye matukio hayo.
• Elimu kwa jamii juu ya umuhimu wa kutoa Ushahidi kwa wahusika wa ujauzito hasa kwa wanafunzi wa kike wasisitizwa.
• IRC yatambulisha ONE STOP CENTER ya kukabiliana na vitendo vya ukatili Mlimani, Kasulu – ambapo ndani ya jingo moja kuna POLISI, AFISA USTAWI NA DAKTARI.
• Idara ya Elimu msingi na sekondari zaonesha nia chanya kukabiliana na vitendo hivyo mashuleni.
• Umuhimu wa kubadili sheria kwa waficha Ushahidi wajadiliwa ili kulinda kauli iliyotajwa mwanzo na muathirika.
• Asasi ya kiraia SADERA kuendelea kuwafikia wananchi wengi Zaidi juu ya elimu ya ulinzi na usalama wa mwanamke na mtoto
• BUPAO kuendelea kutoa msaada wa kisheria na elimu kwa wananchi zaidi