KAMATI YA MIPANGO, UONGOZI NA FEDHA YATEMBELEA VIKUNDI VYA WAJASIRIAMALI VYA VIJANA

Posted on: November 24th, 2021

Mhe. Venance Kigwinya, Mwenyekiti wa Halmashauri ya Wilaya ya Buhigwe ameongoza Timu ya wataalamu na Waheshimiwa madiwani wa kamati Mipango, Uongozi na Fedha kutembelea vikundi vitatu vya vijana vinavyojishughulisha na shughuli mbali mbali.

Awali akiongea na vijana wa Kikundi cha Vijana cha Upendo kata ya Buhigwe, kinachojishughulisha na ujasiriamali Mhe. Kigwinya amewapongeza vijana hao na amewataka kuboresha mazingira yao lakini pia kuwa waadilifu na utendaji kazi katika ubora ili waweze kushindana katika soko.

Pamoja na hayo wajumbe wa kamati hiyo walishauri vikundi hivyo kupewa kipaumbele pale kazi za miradi ya serikali zinapojitokeza, kujiwekeza katika ubora wa bidhaa zao na kuwa mfano kwa vijana wengine.

Mwisho wa Ndg Essau Hossiana Ngoloka, Mkurugenzi mtendaji wa Halmashauri ameahidi ushirikiano mkubwa kuona vikundi hivyo vinawezeshwa na kusimamiwa zaidi ili zilete matokeo chanya kwa vijana hao na kwa taifa kwa ujumla.

Vikundi vilivyotembelewa ni:

• UPENDO GROUP – Kinachojishughulisha na useremala – Kata ya Buhigwe
• JIWEZESHE GROUP – Kinachojishughulisha na shamba la miche ya miti – Kata ya Buhigwe
• PROFFESIONALS FURNITURE DESIGNER – Kinachojishulisha na useremala na uoteshaji na uuzaji wa miche ya chikichi - Kata ya Kibande