Hongereni kwa kupata hati safi kwa miaka minne mfululizo-RAS

Posted on: July 3rd, 2018

Katibu Tawala Mkoa wa Kigoma Mheshimiwa Charles A. Pallangyo ameupongeza uongozi wa Halmashauri ya Wilaya ya Buhigwe kwa namna walivyofanya kazi kwa ushirikiano na bidii hatimae kupata hati safi kwa miaka minne mfululizo.

Aidha Mheshimiwa Charles amewaagiza Wataalam wa Halmashauri hii kuendelea kufanya kazi kwa kushirikiana na Waheshimiwa Madiwani ili kuongeza ufanisi katika utendaji wa kazi kwa kufanya mikutano ya hadhara  ngazi ya vijiji na mabaraza ya kata.

Katibu Tawala  ameyasema hayo leo asubuhi katika kikao maalumu cha Baraza la Madiwani kilichofanyika katika ukumbi wa Shule ya Msingi Buhigwe.

“Hakikisheni hoja za miaka ya nyuma zinajibiwa/zinafungwa mapema na kuwasilishwa kwa mkaguzi wa nje kwa ushirikiano wa ofisi ya Mkaguzi na Mdhibiti Mkuu wa Hesabu za Serikali (CAG).” Aliongeza Mheshimiwa Charles.