DED MBILINYI AKABIDHI BENDERA YA HALMASHAURI KWA TIMU YA UMITASHUMTA NA KUSISITIZA USHINDI WA TIMU HIZO

Posted on: May 27th, 2024

Mkurugenzi Mtendaji wa Halmashauri ya Wilaya ya Buhigwe ndg George E. Mbilinyi leo mei 27,2024 amekabidhi Bendara ya Halmashauri kwa wanamichezo wa Umitashumta buhigwe ambapo bendera hiyo imepokelewa na Afisa michezo wilaya na kuwaaga kwaajili ya kwenda Kasulu Mji kushiriki mashindano hayo ngazi Mkoa.

Aidha Mkurugezi huyo amesisitiza swala la upendo ushirikiano nidhamu usafi, utii na usikivu baina ya timu hizo ziwapo kambini na hiyo ndio mbinu pekee itakayo wapa ushindi kwa nguvu zote.

Sambamba na hayo pia Mkurugenzi amekabidhi mchango wa mhe.Mbunge wa Jimbo la Buhigwe kwa uongozi wa wanamichezo hao ikiwa ni motisha na hamasa kwa timu hizo kufanya vizuri kwenye mashindano hayo na kurejea na ushindi wa kishindo kwa Hlmashauri yetu.